منتدى الفنون السودانية

يختص بكل مايهم من أمر الفنون السودانية من صوت وصورة ورياضة وثقافة وفنون أخرى


أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

أغاني حقيبة الفن السودانية المكتوبة والمسموعة

استعرض الموضوع السابق استعرض الموضوع التالي اذهب الى الأسفل  رسالة [صفحة 1 من اصل 1]

Admin


Admin
سجل معنا ووثق لكلمات أغاني حقيبة الفن السوداني


أنا في التمني – غناء خلف الله حمد
كلمات ود الرضي
أنــا فــي الـتـمني ديـمـه هـديلي سـاجع
مـا لـقيت لـي مـغيث ولا لـقيت لـي مـراجع
داير أشوف حبيبي اليوم داك شفته رايق ودمعه ناقع
أســود شـعـره حـالـك أمـا صـفاره فـاقع
تـتـلاصف خــدوده لا حـجـاب ولا بـراقـع
أشـوف لـعسو ونـواعسو جـل الـباري صانع
أشـوف فـي خـده شخصي وفي صدري المضارع
يـفـر خـيت بـسـمه بـرقـاً لـيـله هـاجـع
يـرفـع لــي رشـاشـه يـسبل نـظره واقـع
دايــر أشـوفو غـافل ودايـر أشـوفو جـاذع
يـتـغطى بــي سـواعده ومـحنو كـان واجـع
يــردد لــي نـغـيماً تـشتاق لـي الـمسامع
أعـاين فـيه وأضـحك وأجـري وأجـيه راجـع
مـتـلاعب لـيـس إلا مــا مـوضوع مـطامع
أقـيـس بـالليل شـعره ألـقى الـفرق شـاسع
دي مــا بـيـلقاها زول زي صـيـده نـاجـع


يا قائد الأسطول
كلمات سيد عبد العزيز

يا قائد الأسطول تخضع لك الفرسان

ياذو الفخار والطول أرحم بنى الإنسان

مين لسماك يطول ما يطولك اللمسان

معناك شرحه يطول والله يا إنسان

أصدق كفانا مطول ياذو الحسن إحسان

أنا عقلى بيك مختول والناس عقول ولسان

ما بنكر المعقول آمنت بالأيمان

بالطلسم المصقول بدل لخوفى أمان

بالنور سحرت عقول كانت صميمة زمان

يا من تحق القول قتل النفوس حرمان

وما الجندى والمكتول و طالب الغفران

من أيده راح منتول واتوهد النيران

فاقد الصواب مبتول مما رأى حيران

أصبح زهر مشتول وفاح ملا الجيران

يا علة المعلول كم أومى ليك بنان

كم من أٍسير مغلول مالاقى فى لحظة حنان

يرى وعدك المحلول زى حجة الوسنان

والكان سكونه تلول ما ببدلهم بجنان

يا حبيبي كون ممهول وليكون ماكان

الفى غد مجهول والماضى أسمه الكان

نفديك شباب وكهول ونبقى ليك أركان

فى حبك المأهول ونخدم السكان

يالفى سماك مفصول تنشاف عيان وبيان

ما عرفنا ليك وصول وما دنيت أحيان

إنت الخطاك أصول يعلم الديان

مثلت فينا فصول ما بدرسها النسيان

أنت حكمة

الشاعر محمد علي عبدالله" الأمي"


أنت حكمة أنت آية ولا إنسان
أنت صاحي ولا نايم
ولا طرفك من طبعو نعسان
أنت راحي أنت روحي أنت انسان
عيني يا صاحي وأنت أحسان
انت نادى انت هادى وأنت ميسان
انت ظافر انت ضافر أسود وفرسان
انت شادن انت لادن انت فتان
انت ضامر انت سامر انت هتان
انت نادر انت ناضر انت بستان
انت صافى انت نافى زور وبهتان
يا حياتى يا مماتى هاك سطران
الصبابة ومر عذابها وقلبى اقران
وانت ساهى انت لاهى انت بطران
يا صفائى يا وفاى هاك برهان
عن غرامى وطول هيامى السابنى ولهان
عز قربك أما بعدك ماله لى هان
قلبى خافق هل توافق قدرى ينهان
يا حبيبى كن طبيبى أمرى حيران
طول نهارى ثم ليلى ساهى سهران
طال عذابى وصاح غرابى جوى عكران
دمعى هامى وشوقى نامى وفرشى نيران
أنت حالى انت عالى انت سلطان
أنت ساطع وانا ساجع بى غناك طان
طال أنينى وفاق حنينى الحان لأوطان
واليلومنى فى هواك يا سيدى غلطان

للراحل سيد عبد العزيز مع قصيدة أنة المجروح

يا أنة المجروح

يالروح حياتك روح

الحب فيك يا جميل

معنى الجمال مشروح

للحب زناد فى الجوف زى الزناد مقدوح

منه الجبابرة تلين لصوت بلابل الدوح

وتصاحب النسمات تفضل معاها تروح

بين نغمة الأشواق ومحاسن الممدوح

الناس تحب رؤياك بالخاطر المشروح

يا ملفت الأنظار يابسمة المفروح

وانا أهدىليك الحب حب من فؤاد مجرود

حب الشحيح للمال حب الجبان للروح


سورية فى السودان بحبى ليكى أبوح

عنب جناين الشام أتمنى منه صبوح

وانشد فؤادى الضال بين الرياض مذبوح

وأرى الهلال فىظلال تلك الخميلة يلوح

أنا لو ضمنت رضاك اكون سعيد ممنوح

يا من تسر رؤياك تفرح وتنسى النوح

تكسى النهار بجمال خديك جمال ووضوح

منه الغزالة تقيف فى موقف المفضوح

من الوله للقاك دمعى الغزير مسفوح

ناقم على الأيام مع أنه طبعى صفوح

انا والخيال فى جدال وانت بنداك منفوح

كل ما النسيم يغشاك زى الحديقة تفوح

رايق كحيل نعسان انسان رقيق وجموح

ساحر العيون بجمال فى سواك ما مملوح

ان كان تميس بنميس ان كان تموج بنموج

عدل الطبية جعل جور الحبيب مسموح

معاينة صفحة البيانات الشخصي للعضو http://sudaneseart.ahlamontada.com

2 اغاني حقيبة 2 في الخميس أغسطس 13, 2009 9:27 am

Admin


Admin
قسم بي محيك البدري

الشاعر / أبو صلاح

قسم بي محيك البدري
غرامك منه ضاق صــــــدري
حبيبي بي العلي تــدري

***
المَحَي نور ليلة القدر
نصب قوس حاجبه لي غــدري
و معاك في داخل ألخدري
فؤادي المالكة من بـــــــــــدري

***
حياتي ونعمتي ويسري
رضيت لو يرضي بي أســــــري
وفرض يا دموعي تنتثري
إذا منــه النسيــــم يســــــــــري

***
حمام الأيك والقمــري
يصيح ينبيــــك عــن أمـــــــــري
وبين عوا سلك السمري
روا يحي وفاكهتي وخمــــــــــري

***
أراك وتوفي بي نذري
دموعي ألفي الوجــن تـــــــــزري
حنانك ما عليك وزري
أنا قاسيت الهوى العــــــــــذري

***
صحيح لجروحي لا تبري
هواك برضــــــاي مـا جبــــــــري
وبسيمات فاهك ألتبري
يا جمــيل كم قللت صبــــــــــــري
________________________________________

يا حبيبي جفيت

كلمات / عمر البنا

يا حبيبي جفيت وبي وصالي وودادي نفيت ... مالك

***

حارق فؤادي ما لقيت وبي نظرة منك ... واكتفيت
مالك يا حبيبي لو كان وفيت وبي طيف خيالك ... واختفيت
يا المن دلالك ما فضيت وتعذيبي في حبك ..... رضيت
سجلت نفسي وليك مضيت ومملوكك أحكم ... ما قضيت

***

من نار هواك بيك التجيت ومنك التعطف ... ارتجيت
لو في الخيال لي مرة جيت كان ضاع وفي الحال نجيت

***

يا درتي الليك انتقيت وغيرك بديل انا ...... ما لقيت
بيك كم تعبت وكم شقيت ويا ليلى انا قيس قيس بقيت

***

فوق الكواكب حق عليت غاب البدر وانت انجليت
مهما عظم خطبي وبليت في حبك اذداد ما سليت
يا البي صدودك لي فنيت وايه النظر لو اغتنيت
انا فيك كم آمال بنيت وهاجرني ما ذنبي الجنيت

________________________________________

رائعة الاستاذ/ ابراهيم العبادي


عازه الفراق بي طال
وسال سيل الدمع هطال

طريت برق الفويطر الشال
وساح دمعي البكب وشال
كمل صبري ومنامي انشال
لبس من ناري عمه وشال

أرض آمالي في امحال
ومن الهم بقيت في أوحال
وبعدك عزه ساء الحال
منامي وصبري أضحى محال

حليل الناسا وناسا
طريت أم در حليل ناسا
وكيف أنساها وأتناسا
ومفتون بي ظبي كناسا

ولع جوفي جمري الحي
وما بتطفيه آه وأحي
فيا زينة ربوع الحي
لي دياركم يعود الحي

أيام صفانا
...............................
كلمات الاستاذ/محمد بشير عتيق


أذكري ايام صفانا واذكري عهد القاء
والليالي الفي حبور
اذكري ايام صفانا والليالي الفيها متبادلين وفانا
جينا بي كل اقتراب
من حديث يشفي الجراح
بي مغازلة وانشراح
والقمر بي ضياهو آالق والنسيم يهدينا انفاس الزهور

كنا داخل روضة مافيش حد سوانا
غير ان القمري يهتف بي هوانا
من اهازيج فنه يسمعنا اسطوانة
اما ارواحنا الخفاف
رافلة في اثواب عفاف
زي عرائس يوم زفاف
والنجوم بي عيون تسارق في اشتياق
تنظرنا من خلف الستور

الرياض مبتهجة داخل اقحوانا
والزهور نديانة تستقبل اوانة
زاهية يانعة ورايعة في توب ارجوانا
والنهر لينا اقترب
والطيور تسجع طرب
عاملة موسيقة قرب
انحنا صار مجلسنا عامر في طرب
في قبطة في نشوة وحبور

يا امير الحسن يا سامي المكانة
من عواطفك حبي لو فاقد مكانة
اهدي لي تفاحة بس او برتكانة
فهي غير شك مرضية
بيها اقتبس الضياء
بل اذوق طعم الحياة
انت ملهمني الاغاني
وانت مصدر فني
احساسي وشعوري

ما بنسي ليلة/
كلمات الاستاذ/ محمد بشير عتيق

ما بنسي ليلة كنا تايهين في سمر
بين الزهور انا وانت والنيل والقمر
وين يا جميل يوم كنا تايهين في سمر
من انسنا اتمتعنا بي جني الثمر
كم قلبي بالانفاس لانفاسك غمر
الجو سكر من ريك اتعطر خمر

ما بنسي ليلة كنا في شاطي النهر
نتعاطي خمر الحب بكاسات الزهر
والبدر مزق ظلمته و سفر ازدهر
في النيل سطع بي نوره واتقطع بهر

الليل هدا والجو صفا وغاب الاثر
النسيم بجيب من توتي اصوات المتر
اتا يا جميل بي صوت ضميرك المستتر
من شعري كم اسمعتك الحان في وتر

شفت النجوم تنظرنا بي نظرة شذر
لما القمر في افقه بغيابه اعتذر
صافين عفاف ياحبيبي خالين من قدر
في هوانا لا واشي ولا مراقب حذر

انا بي غرامك ياحبيب دمعي انفجر
وانا بي غناك ايقظت سكان الشجر
قبال اراك انا كنت في حيرة و ضجر
اليوم حظيت بلقاك يا ظبي الحجر

________________________________________

زيدني في هجراني /

الشاعر عبدالرحمن الريح

زيدني في هجراني
وفي هواك يا جميل
العذاب سراني
على عفافك دوم
سيبني في نيراني
لمتين تطراني
أنظرك في النوم
جوز نواعسك راني
طرفي قصدو يراك
و ما قصدت تراني
ما بسيب حبك
و الله لو ضراني
يا نعيم أزماني
يا حياة روحي
و بهجة أمدرماني
في الحياة غيرك
مافي زول هماني
و في بعادك أزاي
و في وصالك أماني
بلبل الأغصان
غنى بي ذكراك
و بالنويح أوصاني
الجمال خصاك
و العذاب خصاني
و الدلال أوصاك
علي دوام تعصاني
يا درر ألحاني
يا أزاي و دواي
يا راحي يا ريحاني
إنت نايم
و أنا ألم البعاد صحاني
حن عليّ بغرامك
و الله كان يمحاني
مال فريعك باني
فيه بدر و ظلمه
و فيه ردفاً باني
حين نسيم الليل
بي روايحك أتاني
زاد عليّ الشوق
و دمعي سال هتاني
و على عفافك دوم
زيدني في هجراني
________________________________________








رائعة سيد عبدالعزيز

الليل ما بنومو
----------------

الليل الليل ما بنومو لأني
أنا حارس نجومو
طول يا ليل وهود
عاجبني طول الليل
الليل نسيمو عليل
الليل سكونو جميل
الليل به النساك تتأمل الأفلاك يا ليل
الليل به العشاق تتذوق الأخلاق
تتناجى بالأرواح
ولشدة ما ترتاح
ما دايرة تاني صباح
الليل الليل ما بنومو لأني
أنا حارس نجومو
أنا راصد كواكبه تائه
في ظلامه سابح
في خيالو سارح
وما عاشق جماله
بس لي فيه ذكرى
وماخد عنه فكرة
يكون فيه التلاقي
وانظر فيه حبي
الحابيهو قلبي ينظر ما يلاقي
الليل الليل ما بنومو لأني
أنا حارس نجومو
ويا ليل يا ليل يا ليل يا ليل
بالله عيرني سماع
اشكيك حبي الضاع
وتغير الأوضاع
هويت محاسن إنسان
في غاية الإبداع يا ليل
عاهدني حبيته
ووجدته عهده خداع
قت ليهو الوداع
يا حبيبي الوداع
الوداع الوداع
يا سميري الوداع
الليل الليل ما بنومو لأني
أنا حارس نجومو
________________________________________

من حور الجنان
الشاعر سيدعبدالعزيز

من حور الجنان أم أنت إنسان الكمال
هل أنت الملاك جيت تورى الناس الجمال
سبحان من أنشاك حسناً فى غاية الكمال
يهواك الجنوب واليك ينقاد الشمال
وما أظن يحصوا حسنك لو يحصوا عدد الرمال
وبايه يقدروك يا ملك ملوك عصر الجمال
سلطان بهجتك محروس بجيوش الجلال
ويغار من صفاء حسنك صفاء ماء الزلال
فى مراية خدودك أِشوف تأكيد سحر الحلال
وأِشوف فى سما حسنك كل يوم يسطع هلال
صفا ماء الجمال فى مجال جمالك راق وجال
زى ماء الحياء فى عيون ربات الحجال
وما فعل السلاح تفعل عيناك النجال
مكسور الطريف كسر قلوب الرجال
يا خلاصة المعاني الصار معناك موضع مثال
فوق المحسنات حايز لطف وكرم خصال
الهة الجمال يعترفوا ليك ماليك مثال
تتمنى البدور تقبيل يداك بامتثال
يا طايل الوريد يا أهيف يا اللى خصمه زال
فيك منظر يحنن وفيك منظر فارس النزال
ليك من الغزالة جبين وقاد وعيون غزال
الحور من مناصبها لى قدرك تكتب نزال
يالغصن الرطيب عاجبنى فيك الإنهداك
اللادن قوامك من ملين وذو اعتدال
جوهر حسنك الصافى وسيرك طاهرات عدال
آيت بينات مافيهن للكافر جدال
شاركت الغمام والموج مناظر وإرتحال
شاركت الظبا فى نفرتن والاكتحال
شاركت القلوب فى موضعهن وعلى كل حال
نفداك بالنفوس وفدا النفوس كان المحال
________________________________________

الحب الطاهر
الشاعر عمر البنا

هجد الانام وأنا وحدي مساهر
والنحول علي جسمي ياحبايب ظاهر
أسبابي الحب الطاهر
أسباب سقامي وبكاء طرفي الساهر
لأذاي بعادك مضي سيفه وشاهر
مره أندب حظي ومره أهتف أظاهر
أشكو دهري وأناجي النجم الزاهر
إنت عادل وظالم إنت ناهي وآمر
يتمني البدر ليك يبقي مسامر
كونك دواما في نوراليه مخامر
إمتيازك عنه إنت هادل وضامر
بالبان والاسي مال قوامك ظافر
علي صدرك قنبل كم أسلم كافر
العيون والضمره والوريد الوافر
من محاسنك غارن الغزال النافر
كل ما أكتم حبك دمعي بيه يجاهر
مابفيدني طبيب مهما يكون ماهر
طبي مابين كوثر فاك وبين جواه
سنك اللماعه والخديد الزاهر
عار صفاه التبري من صفاك الناضر
ياخلاصة الحسن في العصر الحاضر
الملوك ليك تخضع لنداك تقول حاضر
تخشي سطوة حسنك وفيك يتلو محاضر
بي وصالك جاحد وبي جفاك مبادر
كاليزيد في الجبره وفي بخاله مادر
بجمالك وحسنك يالفي عصرك نادر
لي أرحم حلمك راعي لاتكون غادر
________________________________________

احرموني

كلمات / محمد ود الرضي

احرموني ولا تحرموني سنة الاسلام السلام

* * *

عطفكم يا من الموني كالاشعة الاسهم رموني
والشجون بالليل نادموني الانين والنوح علموني
لو معنعن قولي كلموني حبي طاهر لم تظلموني
برضي قابل الظلم احترام

* * *

يا النفوني كفى اعرفوني ساهي ساهر ساجات جفوني
في هواكم يا من جفوني لا الوم ان لم تنصفوني
انعكاس الاحوال كفوني ايضا الايام عرفوني
يوم سموما ويوما غمام

* * *

كل ما النسمات عطروني فاجأوني دموع مطروني
رب اغفر للعكروني في وداعة الباقي العروني
رب وقت يتزكروني او يقول القايل دروني
او يحدث عني المنام

* * *

طاف خيالك والليل طافر شفت بدره المتجلي سافر
صك غاضب لقى دمعي دافر قالي طبع الريم اصله نافر
فاله حجله وعقده الاظافر قلت عليه تريم النوافر
عل راء الريم تبقى لام

ما بنسي ليلة

الشاعر / محمد بشير عتيق


ما بنسي ليلة كنا تايهين في سمر بين الزهور
انا وانت والنيل والقمر
وين يا جميل يوم كنا تايهين في سمر
من انسنا اتمتعنا بي جني الثمر
كم قلبي بالانفاس لانفاسك غمر
الجو سكر من ريك اتعطر خمر
ما بنسي ليلة كنا في شاطي النهر
نتعاطي خمر الحب بكاسات الزهر
والبدر مزق ظلمته و سفر ازدهر
في النيل سطع بي نوره واتقطع بهر
الليل هدا والجو صفا وغاب الاثر
النسيم بجيب من توتي اصوات المتر
اتا يا جميل بي صوت ضميرك المستتر
من شعري كم اسمعتك الحان في وتر
شفت النجوم تنظرنا بي نظرة شذر
لما القمر في افقه بغيابه اعتذر
صافين عفاف ياحبيبي خالين من قدر
في هوانا لا واشي ولا مراقب حذر
انا بي غرامك ياحبيب دمعي انفجر
وانا بي غناك ايقظت سكان الشجر
قبال اراك انا كنت في حيرة و ضجر
اليوم حظيت بلقاك يا ظبي الحجر
________________________________________
________________________

معاينة صفحة البيانات الشخصي للعضو http://sudaneseart.ahlamontada.com

3 أغاني حقيبة الفن 3 في الخميس أغسطس 13, 2009 9:28 am

Admin


Admin
في الطيف

كلمات / عمر البنا

في الطيف أو في الصحيان زورني ياحبيبي أنا عيان
*
مالو لـو فـي بعـض الاحيـان**** تسمح لـي صحـوا اراك عيـان
تاخذ ياحبيبي عـن حالـي بيـان**** عسي تبقي قلوبنا في الغرام سيـان
*
ياالفريد في حسنك وبهجة امدرمان**** لي من شوفتك يا حبيبـي زمـان
أنا ساهر ونـوم عينـي حرمـان **** وانت بين اترابك في نعيم وامـان
*
النحول علي جسمي يا حبيبي بيان**** وانت جسمك نامي وبالنعيم طربان
لو رأك الناسك المـن الله جبـان **** بيك يفتن ويصبح بالغـرام تعبـان
*
قبل حسنك قط مارايـت انسـان **** فاق العسجد لمعة والحريـر لمسـان
كيف يحصر وصفك ياحبيبي **** لسان والبان اتعلم من قامتـك الميسـان
*
مالـدرر لثنـاك مابنـت الحـان **** للمـاك وايـه نفحـة الريـحـان
انت حسنك كامل لكـن لمحـان**** خدك قاسـي وقلبـك ماحـان
________________________________________

خليل فرح

في الضواحى وطرف المداين

يلا ننظر شفق الصباح

قوموا خلو الضيق في الجناين

شوفوا عز الصيد في العساين

يله نقنص نطرد نعاين

النهار أن حر الكماين

كلبي يا جمجوم أصله خاين

شوفوا كيفن يبرأ الملاين

هب شال وكشح المراح

للقنيص الخيل خف راسن

نحن ما بنخاف من مراسن

المكارم غرقنا ساسن والمجاهل

مين غيرنا ساسن

ان عطشنا نمز مر وآسن

وأن عشقنا بنعشق محاسن

فى المحاسن كفي يومنا راح

في الخميلة انجلت المحاسن

عيني حايرة ومشي قلبي جاسن

بعض حسنك هي يا محاسن

الحرير حين قدميك داسن

والزهور حين شفتيك باسن

والغصون من لدنك مياسن

والنسيم فاح بكر الملاح

يا الطبيعه الواديك ساكن

ما في مثلك قط في الأماكن

يا جمال النال في ثراكن

ياحلاة البرعن أراكن

في قفاهن تور قرنه ماكن

لا غشن لا شافن مساكن

في الخزام والشيخ والبراح

شوف صباح الوادي وجماله

وشوف خضاره وصيده ورماله

شوف يمينه وعاين شماله

شوف نسيم الليل صاحي ماله

شوف فريع الشاو مين أماله

القمر خجلان من كماله

والصباح لا بهل الوشاح

يا أم لسانا لسع معجن

كلمة كلمة وحروفه ضجن

ديل خدودك غير داعي وجن

ديل عيونك من غير سبه لجن

ديل دموعك من نظرة شجن

ده دلال ايه ده دلال معجن

محن الامات يا رداح

ماك نسيم الليل بي برودك

نامت الازهار فوق خدودك

غرد العصفور فوق عودك

النفوس ما اتعدت حدودك

ما عرفنا عدوك من ودودك

بس أنا المقسوم لي صدودك

يا حياتي وأملي اللي راح
________________________________________

ياناعس الاجفان

كلمات عتيق
لحن وغناء كرومة

ياناعس الاجفان انا من صفاك مسحور
بالله انت ملاك ؟ ولا من حسان الحور
تذرف عيونى بحور اقضى الليالى قيام مابين شوق وهيام
وارعى النجوم فى سحور
وفؤادى آه منحور مقتول بغير سلاح واقول بكل صراح
سببى العيون الحور
فيك الكمال محصور اكظمت كل حسود وحسنك مقامه
يسود على كل جيل فى عصور
وطرفك لحاظه تريع اسدا شجاع وهصور
ليك نفرة الغزلان مع جبرة الفرسان فى هيبة المنصور
أهيف رشيق متبور تتهادى تيه ودلال مابين غرف وظلال
نعمة وترف وحبور
وسهمك على مهبور ايه ذنبى غير هواك انا ياجميل
بهواك من قلبى مامجبور
ياالبى العفاف مشهور
ندك عبير فياح وقوامك المياح
أينع ثمر وزهور
فى حبى دمعى جهور
انا فى دجاك ياليل نجمك بقالى خليل
فارقت نومى دهور
انا لى زمن مأسور
هجرانى ماهماك ياللى قاسى لماك
من طول جفاك محسور
وحياة خديك وجيدك وطريفك المكسور
انا شعرى مابيوفيك مهما ابالغ فيك
منظومى والمنثور
________________

معاينة صفحة البيانات الشخصي للعضو http://sudaneseart.ahlamontada.com

4 اغاني حقيبة الفن 4 في الخميس أغسطس 13, 2009 9:30 am

Admin


Admin
الشوق و الريد
أداء إبراهيم الكاشف
الشوق و الريد
و الحب البان في لمسة إيد
وأغاني نقولا
أغاني نقولا نقول و نعيد
والدنيا زهور
الدنيا زهور في عينينا
تصبح كل يوم زي طفل وليد

***
كل الأشواق
آهة بتجرح قلب المشتاق
ديل يا هاجر ليك رسالة
لو روحك يوم تنسى دلالا
تشوفنا قريب ما تتعالى
تسألنا و نسأل عن حالا
و نعيد الكان
***
نعيد الكان حليل الكان
نخلي الحب يسرح بينا
يبقى جناحين و يطير بينا
نشوف الدنيا ربيع و زهور
نسكت و تتكلم عينينا
و نعيد الكان
***
ليك رسالة
لو روحك يوم تنسى دلالها
نعود أحباب زي ما كنا
في دنيا الحب نلقى الجنه
يا حبيب الروح يا أغلى غرام
أسأل قلبك برضو يقولك
لو كان حنّ
_______________________________________

أنة المجروح
كلمات : سيد عبد العزيز
الحان : الحاج محمد أحمد سرور

يا أنة المجروح يا الروح حياتي تروح
الحب فيك يا جميل معني الجمال مشروح
للحب لهيب فى الجوف زيو الزناد مقدوح
منه الجبابرة تلين لصوت بلابل الدوح
تصاحبو النسمات تفضل معاها تدوح
من نغمة الأشواق ومحاسن الممدوح
الناس تحب رؤياك بالخاطر المشروح
يا ملفت الأنظار يابسمة المفروح
حوريه فى السودان بحبى ليكى أبوح
عنب جناين النيل أتمنى منه صبوح
وانشد فؤادى الضال بين الرياض مذبوح
أرى الهلال فى ظلال تلك الخميلة يلوح
أنا لو ضمنتو رضاك اكون سعيد ممنوح
يا من تسر رؤياك تفرح تنسى النوح
تكسو النهار بجمال خديك جمال ووضوح
منو الغزالة تقف فى موقف المفضوح
من الوله للقاك دمعى العزيز مسفوح
ناقم على الأيام مع أنه طبعى صفوح
انا والخيال فى جدال وانت بنداك منفوح
________________________________________

زهـــــــــرة الروض
الشاعر عمر البنا
لحن وغناء كرومة
يا زهرة الروض الظليل
جانى طيبك مع النسيم العليل
زاد وجدى نوم عينى اصبح قليل
يا زهرة طيبك جانى ليل
اقلق راحتى وحار بى الدليل
امتى اراك مع الخليل
واجلس امامكم خاضع ذليل
دايما انوح واقول حليل
صفى القلب القدره جليل
كيف لا اسهر واكون عليل
انا فى الثرى وهو فى الاكليل
يا الليك عفافك دايما زميل
يا المن طيبك طيب زهر الخميل
لو مر نسيمك على الف ميل
يخلى العالم طربا ثميل
يا اهيف يا ذا الطرف الكحيل
يا الصدرك عالى وخصرك نحيل
مناى فى الدنيا قبل الرحيل
ارى شخصك لكن مستحيل
يا زهرة روضك يبعد عن الـ
عاشق ومحال للقاك ينيل
بستانك نضير ساقيه نيل
الحياة ومحصن بالدردنيل
امتى تعود ايامى القبيل
يا حبيب واوجد للقاك سبيل
ومعاك اتحادث فى قبيل
شفاء داء قلبى الوبيل
قال لى صحيح جسمك هزيل
وجمر الغرام فى عضاك نزيل
لو ما بخاف عاذلى الرذيل
لكنت اوصلك ولعياك ازيل
________________________________________

نسايم الليل

الشاعر / عمر البنا

نسايم الليل زيدينى
بالشذى والطيب عودينى
زاد الشوق لى يهون امتى وصاله
يا نسايم الليل آنسينى
فى رجوعك لا تنسينى
بى طيب الحب آسينى
من بعد الضر ماسينى
انا برضى عشوق مهما جيوش الحب صالوا
يا نسايم ما بترعينى
ما بفيدنى شذاك دعينى
لو قصدك لى تعينى
ارجعى بى دمعة عينى
للمعشوق قوليلى ينوح ونومه عصالو
فى الهوى يذداد تمكينى
يا بلابل الدوح حاكينى
فى نواحى دوام شاركينى
فى الحب ابكيك وابكينى
اصيح مفروق لى بروق ثغرك لالو
طيفك لامتى يجينى
وفى لذيذ النوم يناجينى
من سهم البين ينجينى
ويبرد نار سجينى
وفؤادى يروق واناجى ملاك طيبه خصاله
سلامى بعد تجنينى
عليك وليالى سنينى
بعد شعرى وتفنينى
فى وصفك وعد حنينى
يغشاك مرفوق مع النسام وروحى خلاله
________________________________________

ولهان هامى دمعى

الشاعر عبيد عبد الرحمن

ولهان هامى دمعى ..وسهران ساهى بالى
بعدك لى ميسر..... وقربك ليه ابالى
بى ذكراك معذب......كل ما الليل مسالى
قلبي يزيد حنانو.....وقلبك ليه قالي
جرت وجار زماني ....وخاطرك طاب نسالى
مهما جد بينك.....صابر مانى سالي
*****
ابكي حبيبي بعدك ..... ايامى الخوالي
انشد فيك صفاهن...وانشد فيك موالى
لولا مسيل دموعي.....بلانى وروالى
حرقت جسمي نارك ...وحرق الكان حوالي
*****
صده سبب نحولي.....وبعده سبب ملالى
حبه ملك فؤادي.....وأتمازج خلالي
أما سبب شقاي ....ودائي واعتدالي
نور محيه الهلالي....ونور خده البلالى
*****
بعدت عنى دارك....ومنع الحظ رحالي
حبك زاد ىنحولى ...وشوقك زاد محالى
أنا ولهان وراضى.....ومرك عندي حالي
والليمنى فيك.....ياحالى يصيبه حالي
*****
لحظك دار كؤوسه...راح الروح سقالى
كنت سمير هناى....وكنت نشيد مقالي
قصدي أتم شرابي......لكن ما بقالي
عنب الشام بحبه..... إلا عصيره غالى
________________________________________

معاينة صفحة البيانات الشخصي للعضو http://sudaneseart.ahlamontada.com

استعرض الموضوع السابق استعرض الموضوع التالي الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى